"Нордшелланн"нинг 19 ёшли ярим ҳимоячиси Калеб Йиренкига Лондоннинг "Арсенал" клуби қизиқиш билдирмоқда. "Канонирлар" вакиллари ганалик футболчини ўрганиш учун Данияда бўлишди, шунингдек, "Борнмут" ҳам истиқболли хавбекни кузатиб бормоқда, деб хабар беради Daily Mail. Ўсиб бораётган юлдузни ўхшаш ўйин услуби туфайли "янги Майкл Эссьен" деб аташади.
Калеб Йиренки "Нордшелланн"нинг асосий жамоаси сафида 34 та ўйинда майдонга тушиб, учта гол ва тўртта голли узатмани ўз ҳисобига ёздириб қўйган, шунингдек, футболчи Гана терма жамоаси сафида саккиз марта майдонга тушган. Transfermarkt портали африкалик иқтидор эгасининг нархини 1 млн еврога баҳоламоқда.
