Мадриднинг "Реал" клуби ярим ҳимоячиси Эдуардо Камавинга майдонга қайтишга тайёр. 23 ёшли футболчи ноябрь ойида бўлиб ўтадиган ЖЧ-2026 саралаш ўйинлари учун Франция терма жамоаси қароргоҳига йўл олди, аммо жароҳати туфайли у ерда ўйнамади. Marca хабарига кўра, Хаби Алонсо Камавингани Ла Лиганинг навбатдаги турида "Эльче"га қарши ўйинда асосий таркибда туширишни режалаштирмоқда.

Испания чемпионатининг 13-туридан ўрин олган "қаймоқранглилар"нинг сафар учрашуви якшанба куни Тошкент вақти билан 01:00да бошланади.

Жорий мавсумда Эдуардо Камавинга "Реал" сафида барча мусобақаларда 11 марта майдонга тушиб, битта гол муаллифи бўлди.