Мадриднинг "Реал" клуби ҳужумчиси Гонсало Гарсия қишки трансферлар давридаёқ бошқа клубга ўтиши мумкин.
21 ёшли футболчини Англиянинг "Лидс" клуби ўз сафига қўшиб олмоқчи ва у тахминан 25-30 млн евро таклиф қилишга тайёр, деб хабар бермоқда журналист Экрем Конур. "Товуслар" ёш испаниялик футболчи учун Премьер-лиганинг бошқа вакиллари, шунингдек, Италиянинг "Милан", "Рома" ва "Наполи" клублари билан кураш олиб боради. Ла Лига клублари орасида ҳам форвардга талаб бор.
Transfermarkt экспертлари талқинига кўра, Гонсало Гарсиянинг нархи 15 млн еврони ташкил қилмоқда. Ҳужумчининг "қаймоқранглилар" билан шартномаси 2030 йил ёзигача мўлжалланган.
