Мадриднинг "Реал" клуби марказий ҳимоячиси Антонио Рюдигер клубини ўзгартириши мумкин. Бу ҳақда журналист Флориан Плеттенберг хабар бермоқда.

Манбага кўра, "Реал" германиялик футболчи билан меҳнат шартномасини узайтирмоқчи, аммо ҳозирда томонлар ўртасида музокаралар олиб борилмаяпти. Алоқалар футболчи жароҳатдан тикланганидан кейин бўлиши кутилмоқда.

Шу билан бирга, 32 ёшли Рюдигерга Саудия Арабистонидан жиддий қизиқиш борлиги айтилмоқда. Шунингдек, ҳимоячининг Англия Премьер-лигасига қайтиши ҳам истисно қилинмаяпти.

Рюдигер жорий мавсум Испания Ла Лигасида фақат битта ўйинда майдонга тушди. Футболчининг "Реал" билан шартномаси келаси ёзда якунига етади.