Шанба куни "Барселона" янгиланган "Камп Ноу"да узоқ кутилган ўйинни ўтказади - рақиб Бильбаонинг "Атлетик" клуби бўлади. Учрашув Ла Лиганинг 13-тури доирасида бўлиб ўтади.
Marca хабарига кўра, "кўк-анорранглилар" ҳужум чизиғида дастлабки дақиқалардан Маркус Рэшфорд, Роберт Левандовски ва сафга қайтган Ламин Ямал эгаллаши керак. Манбанинг таъкидлашича, майдон марказида Фермин Лопес, Марк Касадо ва Эрик Гарсия, ҳимояда эса Алехандро Бальде, Пау Кубарси, Рональд Араухо ва Жюль Кунде ҳаракат қилади. Дарвоза чизиғи сентябрь ойидан бери жароҳати туфайли майдонга тушмаётган Жоан Гарсияга ишониб топширилади.
"Барселона" ва "Атлетик" ўртасидаги баҳс Тошкент вақти билан 20:15да бошланади.
