"Астон Вилла" дарвозабони Эмилиано Мартинес "Тоттенхэм"нинг трансфер мақсадига айланди. "Шпорлар" раҳбарияти қишки трансферлар даврида янги дарвозабонни ўз сафига қўшиб олмоқчи ва аргентиналик юлдуз асосий вариант сифатида кўрсатилган, деб хабар беради Mail Sport.
Манбага кўра, лондонликлар жамоанинг ҳозирги "биринчи рақамли" футболчиси Гульелмо Викарио баъзи ўйин жиҳатлари бўйича етарлича яхши эмас, деб ҳисобламоқда.
Ёзда Эмилиано Мартинес "Манчестер Юнайтед"га ўтиши мумкин эди, аммо "қизил иблислар" Сенне Ламменсни танлади. Transfermarkt экспертлари 33 ёшли жаҳон чемпионининг нархини 16 млн еврога баҳоламоқда.
