“Барселона” бош мураббийи Ханси Флик жамоанинг келажаги борасида ишонч билан фикр билдирди. Унга кўра, айни дамда жамоага етишмаётган асосий нарса — бу ишонч.

“Эҳтимол, бизга бироз ишонч етишмаётгандир. Лекин баъзи футболчилар сафга қайтяпти, бу бизга жуда катта ёрдам беради. Бизда фантастик жамоа бор, агар Вигода кўрсатган даражада ўйнасак, ҳаммаси яхши бўлади,” — деди Флик Goal порталига.

Ла Лигада “Барселона” ҳозирча иккинчи ўринда бормоқда. Флик жамоаси Мадриднинг “Реал” клубидан атиги уч очко орқада.