“Манчестер Сити” бош мураббийи Хосеп Гвардиола матбуот анжуманида “Ньюкасл” ярим ҳимоячиси Бруно Гимараэс ҳақида илиқ фикрлар билдирди.

“Бруно Гимараэс? У фақат шу мавсумда пайдо бўлиб қолган ўйинчи эмас. У "Лион"да ўйнаган даврларданоқ у алоҳида футболчи экани яққол кўринарди. Бундай футболчилар клуб ва терма жамоа сафида йилма-йил ўйнаган сари янада кучлироқ бўлиб боради. Мен ҳар доим унинг иқтидорининг катта мухлиси бўлганман,” — деди Гвардиола.

Шанба, 22 ноябрь куни АПЛда “Ньюкасл” – “Манчестер Сити” учрашуви бўлиб ўтади. Уйин Тошкент вақти билан 22:30 да старт олади.