"Фейеноорд"нинг ўнг қанот ҳимоячиси Живайро Ридга Европа грандлари қизиқишда давом этмоқда. 19 ёшли футболчини Мюнхеннинг "Бавария" клуби диққат билан кузатиб бормоқда, шунингдек, нидерландиялик футболчи "Манчестер Сити" шорт-листидан жой олди, деб хабар бермоқда журналист Фабрицио Романо.

Қайд этилишича, "шаҳарликлар" қишки трансфер ойнасида мудофаанинг ўнг қанотини кучайтиришни режалаштираётгани сабабли, январь ойидаёқ истиқболли қанот футболчиси билан шартнома имзолашга уриниб кўриши мумкин.

Живайро Риднинг "Transfermarkt"га кўра нархи 20 млн еврони ташкил этади. Футболчининг "Фейеноорд" билан шартномаси 2029 йилнинг ярмигача амал қилади.