"Ливерпуль" посбони Алиссон сафга қайтди. Бу ҳақда жума кунги матбуот анжуманида мерсисайдликлар бош мураббийи Арне Слот маълум қилди.
"Алиссон ўтган ҳафта ва бу ҳафта тўлиқ машғулот ўтказди, шунинг учун у эртага ўйнаши мумкин. Агар бугун ҳаммаси яхши ўтса ва у тайёр бўлса, асосий таркибда майдонга тушади," - деди Слот журналистларга.
Маълумки, Алиссон сентябрь ойининг сўнгги оқшомида Истанбулда "Ливерпул" "Галатасарой"га ютқазганида (0:1) жароҳат олган эди. Бразилиялик дарвозабон турли мусобақаларда жамоанинг саккизта ўйинини ўтказиб юборди.
22 ноябрь, шанба куни "Ливерпуль" Премьер-лигада "Ноттингем Форест"ни қабул қилади.
