"Реал" дарвозабони Андрей Лунин Англия Премьер-лигасига кўчиб ўтиши мумкин. Defensa Central хабарига кўра, 26 ёшли украиналик футболчига "Тоттенхэм" қизиқиш билдирмоқда.
Лондон клуби дарвоза позициясини кучайтириш вариантини кўриб чиқмоқда ва Лунин январдаги эҳтимолий трансфер учун асосий номзодлар қаторида кўрилмоқда. Хабар қилинишича, "шпорлар" унинг учун 12-15 млн евро атрофида маблағ таклиф қилишга тайёр. Бироқ, манбага кўра, Мадрид клуби украиналикни мавсум давомида қўйиб юбориш ниятида эмас.
Жорий мавсумда Лунин "Реал"нинг асосий жамоаси сафида ҳали бирорта расмий ўйин ўтказгани йўқ.
