Руминия терма жамоаси бош мураббийи Мирча Луческу ЖЧ-2026 плей-офф босқичига қуръа ташлаш маросими ҳақида ўз фикрлари билан ўртоқлашди. Унинг жамоаси март ойида ярим финалда Туркия билан тўқнаш келади.

"Барча жамоалар тахминан бир хил даражада, шунинг учун плей-оффда осон рақибни танлаб бўлмайди. Ўйлайманки, ҳар бир жамоада имконият бор. Туркияни яхши биламан демаган бўлардим, аммо уларнинг яқинда Испанияга қарши ўйинини кўрдим ва у ерда менинг қўл остимда ушбу жамоа сафида дебют қилган 6 нафар футболчи бор эди. Ҳозир уларда тажриба анча кўп. Улар ҳозир яхши ҳолатда", - дея Луческунинг сўзларини келтиради Gazeta Sporturilor.