Ўтмишда "Милан"да тўп тепган таниқли футболчи Андрей Шевченко "россонерилар"нинг "Интер"га қарши бўлажак ўйини ҳақида фикр билдирди.
Милан дербиси эртага, 23 ноябрь куни "Интер"нинг уй стадионида бўлиб ўтади.
"Иккала жамоа ҳам яхши формада. Аммо ҳозирча бироз кучсизроқ бўлган "Милан" учун натижа муҳимроқ. Улар ўсишда давом этишлари керак, мағлубият бу жараённи тўхтатиб қўйиши мумкин", - дея Шевченконинг сўзларини келтиради Calcio Mercato.
Италия А Сериясининг 11-туридан кейин "Милан" 22 очко билан турнир жадвалида учинчи ўринда бормоқда. "Нерадзурри" ҳисобида 24 очко бор, Кристиан Кивунинг жамоаси биринчи ўринда.
