23 ноябрь куни А Серияда 12-турнинг марказий ўйини бўлиб ўтади - "Интер" "Милан"ни қабул қилади. "Россонерилар" бош мураббийи Массимилиано Аллегри 2021 йилда "Интер"ни бошқариши мумкин бўлганини тан олди.
"Буни ҳамма билади. "Ювентус"га қайтган йилим бир кечада қарор қабул қилишимга тўғри келди. "Ювентус" "Интер" ёки Мадриднинг "Реал" жамоасига бориш.
Президент Маротта билан катта мақсадларга эришдик, ҳозир у "Интер"да ажойиб ишларни амалга оширмоқда. Ўйинларда ғалаба қозониш учун прагматик ва аниқ бўлиш керак", - дея Аллегрининг сўзларини келтиради Football Italia.













