"Бавария" ҳужумкор ярим ҳимоячиси Леннарт Карл "Фрайбург"га қарши шанба кунги ўйин (6:2) қаҳрамонларидан бирига айланди.
Вундеркинд 22-дақиқада 0:2 ҳисоби вақтида ўз голи билан мюнхенликларнинг камбэкини бошлаб берди. Биринчи бўлим сўнгида мезбонлар Майкл Олисенинг голи эвазига ҳисобни тенглаштирди, унга яна ўша Карл ассистентлик қилди. Bayern & Germany нашри хабарига кўра, Леннарт "Бавария" тарихида (17 ёшу 273 кун) Бундеслигада битта ўйинда гол уришга ва голли узатма беришга эришган энг ёш футболчига айланди.
Умуман олганда, Карл Германия чемпионатининг жорий мавсумида тўққизта ўйинда иккита гол ва голли узатмани амалга оширган.
