Мюнхеннинг "Бавария" клуби ярим ҳимоячиси Леннарт Карл уни "Интер Майами"нинг аргентиналик юлдуз ҳужумчиси Лионел Месси билан таққослаганига муносабат билдирди.
"Месси энг чўққида, мен эса ҳали узоқ йўлни босиб ўтишим керак. Месси - мен учун намуна. Мен ҳозирча ўзимни Месси билан таққослай олмайман, бу умуман бошқа нарса," - дея Карл сўзларини келтиради Bild.
17 ёшли футболчи шу руҳда ўйнашда давом этса, Месси даражасига чиқа олишини қўшимча қилган.
Жорий мавсумда Карл 15 та ўйинда майдонга тушиб, бешта гол ва иккита голли узатмани ўз ҳисобига ёздириб қўйди. Transfermarkt немисни 20 млн еврога баҳоламоқда.
