"Арсенал" бош мураббийи Микель Артета "Тоттенхэм"га (4:1) қарши ўйиндан сўнг ўз таассуротлари билан ўртоқлашди.

"Ўйиннинг ҳар бир дақиқасидан завқ олдим. Алоҳида кун. Ўйиннинг барча жабҳаларида ўзини кўрсатиш муҳим эди, аммо ҳаммаси шиддат ва ғалаба қозонган дуэллардан бошланади. Дастлабки дақиқаларни ажойиб ўтказдик, иккинчи бўлимда эса ишончни сақлаб қолдик. Биз ўзимизни яхшироқ кўрсатишимиз мумкин бўлган баъзи нюансларни қайд этиш мумкин, аммо умуман олганда, жамоа ажойиб ўйин кўрсатди", - деди Артета Sky Sports’га берган интервьюсида.

"Арсенал" Премьер-лига турнир жадвалида пешқадамликни сақлаб турибди ва 2-ўриндаги "Челси"ни 6 очкога ортда қолдирмоқда.