Мадриднинг "Реал" клуби марказий ҳимоячиси Дин Хейсен "Эльче"га қарши ўйинда жамоасини мағлубиятдан қутқаришга ёрдам берди.
Ла Лиганинг якшанба кунги баҳси 2:2 ҳисобида якунланди. Opta хабарига кўра, Хеййсен Испания чемпионатининг жорий мавсумида гол урган энг ёш ҳимоячига айланди (20 ёш-у 223 кун).
78-дақиқада ёш марказий ҳимоячи ўз номини таблога ёздириб қўйди - 1:1. Кўп ўтмай, "Эльче" яна олдинга чиқди, аммо қисқа вақт ичида Жуд Беллингем тенгликни тиклади.
Дин Хейсен "Реал"га жорий йилнинг ёз бошида Англиянинг "Борнмут" клубидан кўчиб ўтган эди. Трансфер қиймати 60 млн евродан кўпроқни ташкил қилган.
