"Интер" бош мураббийи Кристиан Киву "Милан"га қарши ўйинда жамоа сардори Лаутаро Мартинесни нега алмаштиргани ҳақида гапирди.
Аргентиналик ҳужумчи учрашувнинг 66-дақиқасида захирага олинди. Бироз аввал "россонерилар" Кристиан Пулишичнинг саъй-ҳаракатлари билан ҳисобда олдинга чиқиб олишганди - дербида гол ягоналигича қолди.
- Лаутаронинг аҳволи яхши. Мен ўйинчиларни алмаштира олмайманми? Бу менинг техник қарорим. Захирадагилар ҳам ўз ҳиссасини қўшишга қодир ва бу мавсумдаги барча ўйинларда шундай бўлган. Бу менинг танловим," - деди у Киву DAZNга берган интервьюсида.
Лаутаро Мартинес А Сериянинг жорий ўйинида 4та гол ва 2та ассистни ўз ҳисобига ёздириб қўйди.
