38 ёшли Лионель Месси аномал статистикани намойиш этмоқда. Душанба куни аргентиналик футболчи "Интер Майами"нинг МЛС плей-оффининг чорак финалида "Цинциннати"га қарши ўйинда (4:0) киритган тўртта голининг барчасида иштирок этди - битта гол ва учта голли узатма. Умуман олганда, ҳужумчи клуб ва терма жамоа учун сўнгги тўққизта ўйинда 24 та самарали ҳаракат қилди - 12 тадан гол ва голли узатма.
Лионель Мессини "тўхтатишга" муваффақ бўлган сўнгги жамоа "Чикаго Файр" бўлиб қолмоқда: 1 октябрь куни юлдуз ҳужумчи голларнинг ҳеч бирида иштирок этмади, "Интер Майами" эса 3:5 ҳисобида ютқазди.
Плей-оффнинг ярим финалида "қўтонлар" "Нью-Йорк Сити"га қарши баҳс олиб боради.
