Машҳур мураббий Юрген Клопп 2026 йилги футбол бўйича жаҳон чемпионати олдидан янги лавозимни танлади. Бу ҳақда Footboom портали хабар бермоқда.
"Ливерпуль" ва "Боруссия" Дортмунд клубларининг собиқ мураббийи ўзини янги соҳада топди. У Магента TV’га ишга кирди. Шу муносабат билан Клопп ушбу каналнинг ижтимоий тармоқларига жойлаштирилган видеомурожаатни эълон қилди.
"Мен содир бўлаётган воқеаларга яқинроқ бўлишни хоҳлайман, лекин мураббий сифатида эмас. Футбол бўйича жаҳон чемпионатида Magenta TV’да эксперт сифатида ишлайман", - деди германиялик мутахассис.
Клопп 2015 йилдан 2024 йилгача "Ливерпул"ни бошқарган. 2025 йил 1 январдан бошлаб у Ред Буллда футбол билан боғлиқ маъмурий лавозимда ишлайди.
