Ҳужумчи Винисиус Жуниорнинг келажаги ноаниқлигича қолмоқда. Бразилиялик футболчининг "қаймоқранглилар" билан амалдаги шартномаси 2027 йилнинг ярмигача мўлжалланган.
Винисиус октябрь ойи охирида "Реал" президенти Флорентино Пересга мураббий Хаби Алонсо билан муносабатларидаги муаммоларни ҳисобга олиб, шартномани узайтиришни ўзи учун энг яхши вариант деб ҳисобламаслиги ҳақида гапирганди.
Худди шу материалда The Athletic "Реал" аввалроқ Винисиусга маошини йилига тахминан 20 миллионгача "соф" оширадиган шартнома таклиф қилгани ҳақида ёзади. Таклиф қабул қилинмади ва клуб футболчидан керакли суммани айтишни сўради.
Винисиуснинг вакиллари Криштиану Роналду даражасидаги "тарихий шартнома" - бонусларни ҳисобга олган ҳолда йилига 30 миллион долларлик пакет сўрашди. Шу билан бирга, бу ерда шартномани узайтириш учун бонус ҳам сўралган - "Реал" ҳеч қачон шартномани узайтиришда футболчиларга бундай бонус тўламаган.
2025/2026 йилги мавсум олдидан Винисиус билан қўшимча музокаралар ўтказилди, аммо улар яна боши берк кўчага кириб қолишди.
