Англия Премьер-лигасининг 12-туридан ўрин олган «Манчестер Юнайтед» — «Эвертон» учрашувида меҳмонлар 1:0 ҳисобида ғалаба қозонди. Ўйин Манчестер шаҳридаги «Олд Траффорд» стадионида бўлиб ўтди.
13-дақиқада меҳмонлар таркибида Идрисса Гейе жамоадоши Майкл Кин билан келишмовчиликка боргани учун тўғри қизил карточка олди ва «Эвертон» майдонда бир ўйинчи кам қолди. 29-дақиқада эса «Эвертон» сафида Кирнан Дьюсбери-Холл гол урди.
"Қизил иблислар" деярли 80 дақиқа бир киши кам бўлиб ўйнагани қарамай, рақиб дарвозасига йўл топа олмади ва аламли мағлубиятга учради.
Бу ўйиндан сўнг «Манчестер Юнайтед» 18 очко билан Англия чемпионатининг юқори дивизиони жадвалида 10-ўринни эгаллаб турибди. «Эвертон» ҳам 18 очко билан 11-ўринга кўтарилди.
Келаси турда «МЮ» 30 ноябрь куни меҳмонда «Кристал Пэлас»га қарши майдонга тушади, «Эвертон» эса 29 ноябрда ўз майдонида «Ньюкасл Юнайтед»ни қабул қилади.
Англия — Премьер-лига. 12-тур
Манчестер Юнайтед (Манчестер) - Эвертон (Ливерпул) - 0:1
Гол: 0:1 — Кирнан Дьюсбери-Холл (29')
Четлатиш: Идрисса Гейе (13')













