"Барселона" Чемпионлар Лигасидаги сўнгги тўртта ўйинда атиги бир марта ғалаба қозонган.
Бугун Ханс-Дитер Флик жамоаси мусобақа умумий босқичининг 5-турида "Челси"га 0:3 ҳисобида имкониятни бой берди. Аввалроқ, каталонияликлар "ПСЖ"га ютқазган (1:2), "Олимпиакос"ни мағлуб этган (6:1) ва "Брюгге" билан дуранг ўйнаган (3:3). Биринчи турда "блауграна" "Ньюкасл"ни мағлуб этди (2:1).
Ўтказилган 5 ўйиндан сўнг "Барса" ҳисобида жами 7 очко бор. У кейинги турда "Айнтрахт"га қарши майдонга тушади.













