Европа чемпионлар лигаси гуруҳ босқичи 5-туридан ўрин олган баҳсда Италиянинг "Ювентус" клуби сафарда Норвегиянинг "Будё-Глимт" клубини 3:2 ҳисобида мағлуб этди.
Шу тариқа, "Ювентус" Чемпионлар Лигасининг жорий мавсумидаги илк ғалабасини қўлга киритиб, турнирдаги ҳолатини ўнглади, шунингдек, Европанинг энг нуфузли клублар ўртасидаги турнирида узоқ давом этган ғалабасиз сериясига чек қўйди.
Гап шундаки, туринликлар сўнгги марта 2024 йил 2 октябрь куни "РБ Лейпциг"га қарши сафарда 3:2 ҳисобида ғалаба қозонган эди. Ўшандан буён роппа-роса 472 кун ўтди.
Кейинги турда "Ювентус" ўз майдонида Кипрнинг "Пафос" клубини қабул қилади.













