"Ливерпуль"нинг собиқ ҳимоячиси Жейми Каррагер жамоанинг инқирози ҳақида фикр юритди. Кетма-кет муваффақиятсиз ўйинлардан сўнг "қизиллар" Премьер-лига турнир жадвалида 12-ўринга тушиб кетди, пешқадам "Арсенал" билан орадаги фарқ эса 11 очкони ташкил этмоқда.

"Юрген Клоппда ҳам қийин дамлар бўлган: бир пайтлар "Ливерпуль" унинг қўл остида "Энфилд"да кетма-кет олтита ўйинда мағлуб бўлган. Аммо одамлар унинг жамоа бошқарувидаги мавқеини шубҳа остига қўйган бирорта даврни эслай олмайман, худди ҳозир Арне Слот билан бўлгани каби," - дея Каррагернинг сўзларини келтиради инглиз ОАВ.

Арне Слот 2024 йил ёзида "Ливерпуль" бошқарувида Юрген Клопп ўрнини эгаллади. Нидерландиялик мутахассис қўл остидаги дебют мавсумида мерсисайдликлар Англия чемпионлигини қўлга киритди.