"Liverpul"ning sobiq himoyachisi Jeymi Karrager jamoaning inqirozi haqida fikr yuritdi. Ketma-ket muvaffaqiyatsiz o‘yinlardan so‘ng "qizillar" Premyer-liga turnir jadvalida 12-o‘ringa tushib ketdi, peshqadam "Arsenal" bilan oradagi farq esa 11 ochkoni tashkil etmoqda.

"Yurgen Kloppda ham qiyin damlar bo‘lgan: bir paytlar "Liverpul" uning qo‘l ostida "Enfild"da ketma-ket oltita o‘yinda mag‘lub bo‘lgan. Ammo odamlar uning jamoa boshqaruvidagi mavqeini shubha ostiga qo‘ygan birorta davrni eslay olmayman, xuddi hozir Arne Slot bilan bo‘lgani kabi," - deya Karragerning so‘zlarini keltiradi ingliz OAV.

Arne Slot 2024 yil yozida "Liverpul" boshqaruvida Yurgen Klopp o‘rnini egalladi. Niderlandiyalik mutaxassis qo‘l ostidagi debyut mavsumida mersisaydliklar Angliya chempionligini qo‘lga kiritdi.