"Манчестер Сити" Чемпионлар Лигаси доирасидаги сўнгги 14 уй ўйинида илк бор 2013 йилда Хосеп Гвардиола мураббийлигидаги "Бавария"дан учралган мағлубиятдан кейин немис жамоасига ютқазди.
Бу ҳақда Stata Football телеграм канали хабар бермоқда.
Кеча, 25 ноябрь куни "Сити" EЧЛ-2025/2026 йилги мавсуми умумий босқич 5-туридан ўрин олган баҳсда "Этиҳад" стадионида "Байер"га (0:2) имкониятни бой берди.
Манбага кўра, бунгача "шаҳарликлар" немис жамоалари устидан 13 та ғалабага эришган.
Чемпионлар лигасининг бу йилги ўйини финали Будапештдаги "Пушкаш Арена" стадионида бўлиб ўтади. Мусобақанинг ҳал қилувчи ўйини 2026 йил 30 май куни бўлиб ўтади.
Еврокубоклардаги энг нуфузли мусобақанинг амалдаги ғолиби "ПСЖ" ҳисобланади.













