Кеча "Навбаҳор" жамоаси "Қизилқум" билан навбатдаги назорат учрашувини ўтказди. “Локомотив”дан келиб қўшилган чап қанот ҳимоячиси Рустам Аъзамов ва ўнг қанот ярим ҳимоячиси Яннис Мандзукас ҳам таркибдан ўрин олишди. Агар ушбу ўйинчиларнинг ҳаракатлари мураббийлар штабига манзур келса, улар билан шартномалар имзолаш кўзда тутилган.

Ўйинга тўхталадиган бўлсак, гарчи баҳс шиддатли ҳужумлар ва ҳавфли вазиятларга бой руҳда ўтган бўлишсада, дарвозалар даҳлсизлиги сақланиб қолинди. Ҳар икки жамоа вакиллари ҳам яратилган қулай имкониятлардан фойдалан олишмади.

Учрашувни "Навбаҳор" қуйидаги таркиб билан бошлади: Виктор Мочалов, Тимур Султанов, Жаҳонгир Меҳмонов, Рустам Аъзамов, Яннис Мандзукас, Ғайрат Жўраев, Илҳом Бойдедаев, Акрам Баҳриддинов, Леонид Кошелев, Рўзимбой Аҳмедов. Қаҳрамон Маҳаммаджонов.
Заҳирадан майдонга тушганлар: Собир Ҳамидов, Азим Аҳмедов, Абдумалик Абдуллаев.

Эслатиб ўтамиз, давралар оралиғида “Навбаҳор” ҳозиргача “Насаф” ҳамда “Сўғдиёна” жамоаларига қарши тўп суриб, ҳар икки учрашувда ҳам имкониятни бой берганди.