Италиянинг "Интер" клуби бош мураббийи Кристиан Киву Чемпионлар лигаси умумий босқичидан ўрин олган Испаниянинг "Атлетико" клубига (1:2) қарши ўйиндаги мағлубият ҳақида гапирди. "Интер" сафида Петр Зелински ўз номини таблога ёздириб қўйди. "Атлетико" сафида Хулиан Альварес ва Хосе Хименес гол урди.
"Биз жуда хафа бўлдик. Ажойиб ўйин бўлди. Иккинчи бўлимда ўтказиб юборилган тўпга ажойиб реакция кўрсатдик. Бироз пастроқ ҳимояландик, қарши ҳужумга ўтишга ҳаракат қилдик ва узатмаларда бир нечта хатоларга йўл қўйдик. Биз аниқроқ ўйнашимиз мумкин эди. Афсуски, ўша бурчакда, сўнгги сонияларда ютқаздик", - дея Кивунинг сўзларини келтиради УEФА расмий сайти.
