"Рома" сафида ижара асосида тўп тепаётган "Верона" марказий ҳимоячиси Даниэле Гиларди Италия чемпионатининг бирданига икки клуби қизиқишлари доирасига тушиб қолди. Бу ҳақда журналист Николо Скира ўзининг ижтимоий тармоқдаги саҳифасида маълум қилди.

Манбага кўра, 22 ёшли футболчига "Торино" ва "Аталанта" клублари даъвогарлик қилмоқда. 2026 йилда иккала клуб ҳам "Верона"га ҳимоячи трансфери бўйича расмий таклиф билан чиқиши мумкин.

Гиларди шу ёзда ижарага кетди. У "Рома"да жорий мавсум охиригача қоладиган бўлди. Римликлар сафида италиялик футболчи иккита ўйинда майдонга тушди. Transfermarkt портали ҳимоячини 8 млн еврога баҳоламоқда.