"Roma" safida ijara asosida to‘p tepayotgan "Verona" markaziy himoyachisi Daniele Gilardi Italiya chempionatining birdaniga ikki klubi qiziqishlari doirasiga tushib qoldi. Bu haqda jurnalist Nikolo Skira o‘zining ijtimoiy tarmoqdagi sahifasida ma’lum qildi.
Manbaga ko‘ra, 22 yoshli futbolchiga "Torino" va "Atalanta" klublari da’vogarlik qilmoqda. 2026 yilda ikkala klub ham "Verona"ga himoyachi transferi bo‘yicha rasmiy taklif bilan chiqishi mumkin.
Gilardi shu yozda ijaraga ketdi. U "Roma"da joriy mavsum oxirigacha qoladigan bo‘ldi. Rimliklar safida italiyalik futbolchi ikkita o‘yinda maydonga tushdi. Transfermarkt portali himoyachini 8 mln yevroga baholamoqda.
