"Аталанта"нинг ҳужумкор ярим ҳимоячиси Даниэле Мальдини қишдаёқ клубини ўзгартириши мумкин.
Бергамо клуби 24 ёшли италияликни 2025 йилнинг февраль ойи бошида "Монца"дан 13 млн еврога сотиб олганди. Ўшанда плеймейкер 2029 йил июнь ойи охиригача мўлжалланган шартномани имзолаганди.
2024/25 йилги мавсумнинг иккинчи ярмида Мальдини "Аталанта" сафида 11 та ўйинда 3 та гол урди, жорий мавсумда эса 8 та баҳсда самарали ҳаракатлари билан ўзини кўрсатмади.
Журналист Николо Скиранинг ёзишича, Даниэле 2026 йилнинг январь ойидаёқ Бергамо клубини тарк этиши мумкин. Эҳтимолий трансфер шартлари ҳозирча маълум қилинмаган.













