"Ливерпуль" афсонаси Стивен Жеррард Арне Слот шогирдларининг муваффақиятсиз ўйинлари ҳақида фикр билдирди.
Сўнгги ўйинда мерсисайдликлар ўз майдонида Нидерландиянинг ПСВ клубига қарши майдонга тушиб, 1:4 ҳисобида мағлуб бўлганди.
"Ҳар бир бундай мағлубиятдан сўнг жамоа инқирозга юз тутганини айтиш мумкин. Бироқ мен бу сўзни ёқтирмайман. Мен учун клуб инқирози - бу жамоанинг бир неча йил давомида юқори натижа кўрсата олмаслигидир. "Ливерпуль" ҳали бундан анча йироқ. Аммо жамоада муаммолар борлигини тан олиш керак. Ҳозир даҳшатли ёмон давр," - дея Жеррарднинг сўзларини келтиради This is Anfield.
Англия чемпионатининг 12-туридан кейин "қизиллар" 18 очко билан жадвалда тўққизинчи ўринда бормоқда.
