Франциянинг "Лион" клуби бош мураббийи Паулу Фонсека Европа лигасида Исроилнинг "Маккаби" клубига қарши кечган ғалабали ўйин ҳақида фикр билдирди. Учрашув 6:0 ҳисобида якунланди.
"Аввало, 17 ёшгача бўлган ўсмирлар ўртасидаги жаҳон чемпионатида ғолиб чиққан Португалияни табриклайман. Мураккаб шароитларга қарамай, бизни қўллаб-қувватлаш учун келган мухлисларимизни ҳам эътироф этмоқчиман", - дея мураббийнинг сўзларини келтиради клуб сайти.
"Бу ғалаба осондек кўриниши мумкин, аммо биз чиндан ҳам яхши ўйин ўтказдик, деб ўйлайман. Биз жиддий эдик ва шунинг учун ажойиб ўйин кўрсатдик. Одатда, иккинчи бўлимни 3та тўп фарқи билан бошлаганингда жамоалар бироз бўшашади, лекин танаффусда шундай давом этишларини айтдим. Шунинг учун биз яна уч марта гол урдик", - дея қўшимча қилди Фонсека.
Ушбу ўйиндан сўнг "Лион" 12 очко билан мусобақа жадвалида пешқадамлик қилмоқда. "Маккаби" 1 очко билан 35-ўринда бормоқда.
