"Манчестер Сити" яримҳимоячиси Бернарду Силва жамоадоши Райан Шеркининг маҳоратига қойил қолади. Француз "шаҳарликлар" сафига жорий йилнинг ёз ойи бошида "Лион"дан кўчиб ўтган эди.
"Шерки 99% футболчилар қила олмайдиган узатмаларни амалга оширишга қодир. У доим турли вариантларни синаб кўради - бу жуда муҳим, айниқса, зич ўйнайдиган жамоаларга қарши. Райан яхши йигит, яхши мослашади, мен ундан хурсандман. Унинг ўзига хослиги яққол намоён бўлган ва ўзига ишонч ҳосил қилиши учун бировнинг ёрдамига муҳтож эмас", - дейди Бернарду Силва.
Жорий мавсумда 22 ёшли Шерки Хосеп Гвардиола жамоаси сафида 11 та баҳсда 3 та гол ва 3 та голли узатмага муаллифлик қилди.
