Эрлинг Холанд кетма-кет учинчи марта майдонни голсиз тарк этди.
"Манчестер Сити" форварди АПЛ 13-туридан ўрин олган "Лидс"га (3:2) қарши ўйинда гол ура олмади. Бунгача у Чемпионлар Лигасида "Байер" (0:2) ва чемпионатда "Ньюкасл"га (1:2) гол ура олмаганди.
Сўнгги гол Норвегия терма жамоаси сафида 16 ноябрь куни киритилганди. Ўша куни у ЖЧ-2026 саралашида Италияга икки марта гол урди.
Холанд май ойидан бери учта ўйиндан иборат голсиз серияни ўтказмаганди. 2024 йил декабрь ойида у тўртта ўйинда гол ура олмаган.
