"ПСЖ"нинг асосий дарвозабони Люка Шевалье Лига 1 доирасидаги "Монако"га қарши ўйин бошида жиддий қўполликка дуч келди. Кўпчиликни видеоёрдамчининг аралашмагани ҳайрон қолдирди - қоидабузарлик жуда қўпол эди ва, эҳтимол, қизил карточка ҳам берилиши мумкин эди. Ўйиндан кейин парижликлар бош мураббийи Луис Энрике вазиятга изоҳ берди.
"Бугун Шевальенинг омади келди. Ўйлайманки, [ҳакамлик ҳақида] бошқа гапирмайман, чунки бу менинг ишим эмас, лекин бу ақл бовар қилмайди. Шевалье ҳаммаси яхши бўлганидан бахтиёр," - деди Энрике.
Аввалроқ, Шевальенинг ўзи жароҳатдан қутулиб қолганини маълум қилганди.
"ПСЖ" сафарда "Монако"га 0:1 ҳисобида имкониятни бой берди.
