"PSJ"ning asosiy darvozaboni Lyuka Shevalye Liga 1 doirasidagi "Monako"ga qarshi o‘yin boshida jiddiy qo‘pollikka duch keldi. Ko‘pchilikni videoyordamchining aralashmagani hayron qoldirdi - qoidabuzarlik juda qo‘pol edi va, ehtimol, qizil kartochka ham berilishi mumkin edi. O‘yindan keyin parijliklar bosh murabbiyi Luis Enrike vaziyatga izoh berdi.
"Bugun Shevalyening omadi keldi. O‘ylaymanki, [hakamlik haqida] boshqa gapirmayman, chunki bu mening ishim emas, lekin bu aql bovar qilmaydi. Shevalye hammasi yaxshi bo‘lganidan baxtiyor," - dedi Enrike.
Avvalroq, Shevalyening o‘zi jarohatdan qutulib qolganini ma’lum qilgandi.
"PSJ" safarda "Monako"ga 0:1 hisobida imkoniyatni boy berdi.
