Испания чемпионатининг ўн тўртинчи турида "Эспаньол" "Сельта"ни енгди. Ўйиннинг асосий вақти тугашига 3 дақиқа қолганида ягона голни Кике Гарсия киритди.

Испания футболи фахрийси учун бу гол рекорд бўлди, у Испания чемпионати ўйинида тўп киритган "тўтиқушлар"нинг 21-асрдаги энг кекса футболчисига айланди. Буни 36 ёш-у 5 кунлигида амалга оширган Кике 2012 йилнинг март ойида 35 ёш-у 330 кунлигида "Бетис" дарвозасини ишғол қилган Вальтер Пандианининг олдинги натижасини ортда қолдирди.

Испания чемпионатининг навбатдаги турида "Эспаньол" ўз майдонида "Райо Вальекано"ни қабул қилади.