"Манчестер Сити" ярим ҳимоячиси Бернарду Силва Кевин де Брюйненинг кетиши ҳақида илк бор қандай хабар топгани ҳақида гапириб берди.
Бельгиялик футболчи ўтган мавсум якунида "шаҳарликлар" сафини тарк этган бўлса, ёзда эркин агент сифатида Италиянинг "Наполи" клубига кўчиб ўтди.
"Кевин бу ҳақда менга биринчи марта ўша мавсум охирида хабар берганди. Оғир бўлди, ахир у менинг дўстим. Биз саккиз йил давомида бир жамоада ўйнадик ва унинг "Манчестер Сити"дан кетишини қабул қилишим осон бўлмади. Энди мен сардорман, жамоа овозиман ва бу мен учун катта шараф," - деди Силва DAZN билан суҳбатда.
Кевин де Брюйне ўн йил давомида "Манчестер Сити" шарафини ҳимоя қилган. Яқинда 34 ёшли хавбек жиддий жароҳат олиб, яқин ойларда "Наполи"га ёрдам бера олмайдиган бўлди. У март ойида сафга қайтиши кутилмоқда.
