"Manchester Siti" yarim himoyachisi Bernardu Silva Kevin de Bryuynening ketishi haqida ilk bor qanday xabar topgani haqida gapirib berdi.
Belgiyalik futbolchi o‘tgan mavsum yakunida "shaharliklar" safini tark etgan bo‘lsa, yozda erkin agent sifatida Italiyaning "Napoli" klubiga ko‘chib o‘tdi.
"Kevin bu haqda menga birinchi marta o‘sha mavsum oxirida xabar bergandi. Og‘ir bo‘ldi, axir u mening do‘stim. Biz sakkiz yil davomida bir jamoada o‘ynadik va uning "Manchester Siti"dan ketishini qabul qilishim oson bo‘lmadi. Endi men sardorman, jamoa ovoziman va bu men uchun katta sharaf," - dedi Silva DAZN bilan suhbatda.
Kevin de Bryuyne o‘n yil davomida "Manchester Siti" sharafini himoya qilgan. Yaqinda 34 yoshli xavbek jiddiy jarohat olib, yaqin oylarda "Napoli"ga yordam bera olmaydigan bo‘ldi. U mart oyida safga qaytishi kutilmoqda.













