Матбуотда Конор Галлахернинг январь ойида Англия Премьер-лигасига қайтиши мумкинлиги муҳокама қилинмоқда.
Мадриднинг "Атлетико" клуби раҳбарияти муносиб таклиф тушса, қишда инглизни сотиб юборишни маъқуллашга тайёр. Football Insider хабарига кўра, 25 ёшли футболчини "Тоттенхэм" ва "Манчестер Юнайтед" ўз сафига қўшиб олмоқчи. Тахминларга кўра, "Челси"нинг собиқ ярим ҳимоячиси 26 млн фунт (деярли 30 млн евро) эвазига сотиб олиниши мумкин.
"Қизил иблислар" бош мураббийи Рубен Аморим аллақачон Галлахер номзодини маъқуллаган, бироқ манбанинг таъкидлашича, манкунианликлар "матрасчилар" сўровини қондира олиш-олмаслиги аниқ эмас.
