"Реал" бош мураббийи Хаби Алонсо Ла Лига доирасидаги "Жирона"га (1:1) қарши ўйинда Родригонинг жарима майдони ичида йиқилиб тушиши билан боғлиқ вазиятга изоҳ берди.
Бразилиялик футболчининг Хоэл Рока билан тўқнашуви ўйиннинг 80-дақиқасида, 1:1 ҳисоби пайтида содир бўлди. Бош ҳакам Рикардо де Бургос Бенгоэчеа пенальти белгилаш учун сабаб кўрмади.
"Мен бу лаҳзани кўрмадим, аммо менга VAR эпизодни қайта кўриб чиқиши мумкинлигини айтишди. Бу ҳайратланарли. Биз бу ҳолатни қайта кўриб чиқишимиз керак. Булар ўйинни ўзгартириши мумкин бўлган муҳим вазиятлар," - деди Хаби Алонсо.
