Уч карра "Олтин тўп" соҳибаси Аитана Бонмати Испания терма жамоаси машғулотларида оёғини синдириб олди.
Испания қироллиги футбол федерацияси матбуот хизмати "Барселона" ярим ҳимоячиси терма жамоанинг эрталабки машғулоти вақтида жароҳат олганини маълум қилди.
Бонматига чап кичик болдир суягининг синиши ташхиси қўйилган, тез орада футболчи "Барселона" қароргоҳига қайтади.
ESPN хабарига кўра, Бонмати операция қилинмаса, тахминан икки ойни ўтказиб юбориши мумкин. Жарроҳлик амалиёти ўтказилган тақдирда, футболчининг тикланиши узоқроқ давом этади.













