Муҳаммад Салоҳ Миср терма жамоасининг яқинлашиб келаётган Африка Кубоги учун кенгайтирилган қайдномасига киритилган.
Турнир 21 декабрдан 18 январгача бўлиб ўтади, аммо "Ливерпуль" етакчисининг кетиши эртароқ амалга ошиши мумкин - ФИФА терма жамоалар футболчиларининг мусобақа бошланишидан тахминан икки ҳафта олдин келишини талаб қилиш ҳуқуқига эга.
Миср терма жамоаси тайёргарлик йиғинини ўтказишни режалаштирган, 14 декабрь куни эса Нигерия билан назорат ўйини ўтказади. Жамоа 17 декабрь куни Марокашга учиб кетади ва у ерда тайёргарликни якунлайди. Шу билан бирга, Liverpool Echo нашрининг ёзишича, "Ливерпуль" 33 ёшли вингерни ҳеч бўлмаганда 13 декабрь куни "Брайтон"га қарши ўйингача сақлаб қолмоқчи.
Салоҳ АПЛ доирасидаги учта ўйинни ўтказиб юбориши аниқ. Қолган ўйинларни у Миср турнирда қанчалик узоққа боришига қараб ўтказиб юборади. Умуман олганда, футболчи узоғи саккизта учрашувда майдонга туша олмаслиги мумкин.
