Muhammad Saloh Misr terma jamoasining yaqinlashib kelayotgan Afrika Kubogi uchun kengaytirilgan qaydnomasiga kiritilgan.
Turnir 21 dekabrdan 18 yanvargacha bo‘lib o‘tadi, ammo "Liverpul" yetakchisining ketishi ertaroq amalga oshishi mumkin - FIFA terma jamoalar futbolchilarining musobaqa boshlanishidan taxminan ikki hafta oldin kelishini talab qilish huquqiga ega.
Misr terma jamoasi tayyorgarlik yig‘inini o‘tkazishni rejalashtirgan, 14 dekabr kuni esa Nigeriya bilan nazorat o‘yini o‘tkazadi. Jamoa 17 dekabr kuni Marokashga uchib ketadi va u yerda tayyorgarlikni yakunlaydi. Shu bilan birga, Liverpool Echo nashrining yozishicha, "Liverpul" 33 yoshli vingerni hech bo‘lmaganda 13 dekabr kuni "Brayton"ga qarshi o‘yingacha saqlab qolmoqchi.
Saloh APL doirasidagi uchta o‘yinni o‘tkazib yuborishi aniq. Qolgan o‘yinlarni u Misr turnirda qanchalik uzoqqa borishiga qarab o‘tkazib yuboradi. Umuman olganda, futbolchi uzog‘i sakkizta uchrashuvda maydonga tusha olmasligi mumkin.
