"Аугсбург" ва жамоа бош мураббийи Сандро Вагнер 1 декабрь куни шартномани бекор қилди, дея хабар берди клуб матбуот хизмати.
Клубда таъкидланишича, 38 ёшли германиялик мутахассис билан хайрлашиш ҳақидаги қарор Вагнер, "Аугсбург" бошқарувчи директори Михаэл Штрол ва спорт директори Бенни Вебер ўртасидаги музокаралардан сўнг қабул қилинган.
Вагнер "Аугсбург"ни 2025 йилнинг июлида қабул қилиб олганди. Унинг қўл остида жамоа 14 ўйинда 4 ғалаба, 1 дуранг ва 9 мағлубият қайд этган. Жумладан, Германия чемпионатидаги 12 ўйиннинг 8 тасида мағлубиятга учраган. Жамоа Бундеслига турнир жадвалида 14-ўринда бормоқда - 10 очко.
"Аугсбург" бош мураббийи вазифасини вақтинча Мануэль Баум бажаради.
