Фарғонанинг "Нефтчи" клуби бош мураббийи этиб тайинланган Исломбек Исмоилов "йўлбарслар" собиқ устози Виталий Левченкога мурожаат қилди.
«Нефтчи» футбол клуби номидан ҳамда шахсан ўзим номимдан жамоамизни бу мавсумда чемпионликка етаклаган, ўзининг профессионаллиги, фидойилиги ва мураббийлик маҳорати билан бутун Фарғона футболи учун катта ҳисса қўшган Виталий Григоривич Левченкога чуқур миннатдорлик билдирмоқчиман.
Виталий Григоривич бошчилигида жамоа нафақат чемпионликни қўлга киритди, балки ўзининг ўйин интизоми ва жамоавий руҳи билан бутун мухлисларимиз ҳурматини қозонди. Бу ютуқлар мураббий сифатидаги унинг кенг тажрибаси ва катта меҳнатининг натижасидир.
Шунингдек, Виталий Григоривични йилнинг энг яхши мураббийи деб эътироф этилгани билан чин дилдан табриклайман. Бу мукофот унинг фидойилиги ва футболга бўлган ҳақиқий муҳаббатининг муносиб тан олиниши бўлди.
Келгусида мураббийлик фаолиятида янада улкан муваффақиятлар ёр бўлишини тилайман», - деб ёзган 33 ёшли мутахассис ўзининг Instagram саҳифасида.
