"Ливерпуль" бош мураббийи Арне Слот АПЛ 13-туридан ўрин олган "Вест Ҳэм"га қарши ўйинда футболчини захирада қолдиришга қарор қилганидан кейин жамоаси ҳужумчиси Муҳаммад Салоҳ ҳақида гапирди.

"Албатта, футболчи ўйнамаса норози бўлади. Айтишим мумкинки, у асосий таркибда майдонга тушмаганидан норози бўлган ягона футболчи эмасди. Бу нормал ҳолат, лекин у ўзини профессионалдан кутганингиздек тутди. У жамоадошларини жуда қўллаб-қувватлади, кун давомида ва кеча машғулотларда ўзини жуда яхши тутди. Ҳар уч кунда ўйнашга ва бундай юқори даражада ўйнашга тайёр футболчи бўлиш мумкин эмас, агар ҳиссиётларга берилиб кетилса. У жуда интизомли, формада қолиш учун нима қилиш кераклигини билади ва у яхши ёки ёмон ўйнашидан қатъи назар, ҳар доим энг юқори даражадаги профессионал бўлиб қолади", - дея Слотнинг сўзларини келтиради клуб расмий сайти.

Жорий мавсумда футболчи клуб сафида барча мусобақаларда 18 та ўйинда майдонга тушиб, бешта гол урди ва учта голли узатмани амалга оширди.